Skip to main content

Posts

Showing posts from March, 2012
හීනයක කෙළවරක හිඳිනා
ආදරය මහ හුඟක් තිබෙනා
මගේ ලෝකයෙ රජුන් තනනා
ඔබයි මගෙ ලොව එකම රජිදා..

ඔබේ දිගු අත් රැගෙන පොඩිඅත්
පාරවල් දිග අතැර නොයමින්
ජිවිතේ මහ ලොකු කතන්දර
කියා දුන්නා තාම මතකයි...

අව්ව වැස්සක් සිසිල් පොළොවක්
රැදුනෙ නැති ඔබගාව සුවඳයි
අකුරු පොත්පත් කරන්නට මට
දිරිය දුන්නා තාම මතකයි..

උයා දෙන දේ නොකා මට දී
සයින් උන්නා අදත් මතකයි
වතුර උගුරෙන් වසාගත් කුස
අහස තරමට මට විශාලයි..

ලොකු වෙලා මම දීග යන දින
නමැදි පා යුග ඔබේ පා මුල
ආදරෙන් මට කිව්ව දේ ගැන
අදත් මතකයි එද වාගෙම..

අදත් ඉඳහිට හමුවු දිනයක
වඳින විට මම දෙපා අල්ලා
ඔබේ ඇස් අග රැදුනු කඳුලක
උණුසුමක් නොදැනුනා නොව මට..
සිත
නුඹ නිබඳවම සැරිසරණ..
අද  ඇයි සැඟව වළාකුලක..



මග සොයා දිවෙන තාරකාවකට..
කියදී මග අසාපන් ඇය කොහීවීද..